Достапни линкови

Иванов: Заев продолжува да ја лаже и македонската и грчката јавност


Кабинетот на претседателот Ѓорге Иванов денеска, преку соопштение, реагираше на, како што велат, „тврдењата на премиерот Зоран Заев во интервјуто за грчката телевизија ЕРТ дека шефот на државата ќе го поддржи Договорот со Грција“.

Во соопштението се истакнува дека ставот на претседателот Иванов е непроменет и оти нема да го поколебаат, како што се вели, никакви притисоци, уцени и закани.

„Премиерот Заев со своите променливи, контрадикторни и конфузни ставови продолжува да ја лаже и манипулира не само македонската, туку и грчката и меѓународната јавност. Членството на Република Македонија во ЕУ и НАТО, не смеат да се злоупотребуваат за прифаќање на штетен Договор со несогледливи последици по македонската држава и македонскиот народ. Македонскиот претседател не прифаќа Договор на штета на македонскиот национален идентитет и на штета на интересите на Република Македонија“, се наведува во соопштението од Кабинетот на претседателот.

XS
SM
MD
LG