Достапни линкови

Шекеринска со писмо во НАТО бара поддршка за Македонија


Министерката за одбрана Радмила Шекеринска

По постигнувањето на договорот со Грција, министерката за одбрана Радмила Шекеринска испрати писмо до министрите за одбрана на 29-те земји членки на НАТО, во кое од нив бара поддршка за Македонија на Самитот на Алијансата во јули да добие покана за членство во НАТО.

Како што соопшти Министерството за одбрана, со дел од нив Шекеринска имала и телефонски разговори.

Во писмото до своите колеги во Алијансата, Шекеринска наведува:

„Ви пишувам по постигнувањето на историскиот договор околу спорот за името со Грција. Оваа пречка за нашата евроатлантска интеграција е отстранета. Ја барам вашата поддршка за Македонија да добие покана за полноправно членство во НАТО на претстојниот Самит. Беше потребна храброст, лидерство и дипломатија за да се постигне оваа цел – од двете страни. Нашиот народ е обединет и недвосмислен во желбата да станеме дел од НАТО и ЕУ, со доследна поддршка од повеќе од 75 отсто од нашите граѓани“.

XS
SM
MD
LG