Достапни линкови

САД ги продолжуваат санкциите за Северна Кореја


Американскиот претседател Доналд Трамп и севернокорејскиот лидер Ким Јонг Ун.

Американскиот претседател Доналд Трамп потпиша одлука за продолжување на санкциите против Северна Кореја за една година, наведувајќи ја "извонредната закана" од нуклеарното оружје на таа земја. Трамп ги продолжи санкциите, кои првично беа наметнати во 2008 година, денеска, само неколку дена по објавувањето на Твитер дека " повеќе нема нуклеарна закана од Северна Кореја".

Трамп се состана со севернокорејскиот лидер Ким Јонг Ун во Сингапур на 12 јуни на историски самит чија цел беше намалување на тензиите на Корејскиот полуостров. По самитот, Трамп рече дека санкциите ќе останат на сила, во очекување на опиплив напредок во врска со денуклеаризацијата на Северна Кореја.

"Акциите и политиките на владата на Северна Кореја продолжуваат да претставуваат извонредна закана за националната безбедност, и надворешната политика и економијата на САД", наведе Трамп во одлуката.. Исто така, денеска , Пентагон најави неограничено прекинување на заедничките воени вежби со Јужна Кореја, исполнувајќи го ветувањето на Трамп до Ким во Сингапур.

XS
SM
MD
LG