Достапни линкови

Димитров го известува Коѕијас дека договорот е ратификуван


Министерот за надворешни работи Никола Димитров и премиерот Зоран Заев си честитаат по ратификацијата во парламентот

Министерството за надворешни работи денеска ќе испрати нота до грчкото МНР, со која ќе ги извести дека Договорот е ратификуван во Собранието, потврдија за МИА од македонското МНР.

Откако ќе ја добијат нотата, грчките власти ќе достават известување до Европскиот совет, во кое ќе наведат дека повеќе нема пречки за процесот на приклучување на земјата кон ЕУ.

Претседателот на Собранието Талат Џафери го потпиша и го достави Законот за ратификација на Договорот на потпис кај претседателот, Ѓорге Иванов.

Тој има рок од седум дена да одлучи дали ќе го потпише Договорот, кој во неделата во Псарадес го потпишаа шефовите на дипломатиите на Македонија и Грција, Никола Димитров и Никос Коѕијас.

XS
SM
MD
LG