Достапни линкови

Милошоски: Договорот е уцена која некој морал да ја потпише


Прес-конференција на пратениците на ВМРО-ДПМНЕ по напуштањето на седницата за Договорот со Грција

Пратеникот на ВМРО-ДПМНЕ Антонијо Милошоски, откако тој и неговите колеги од пратеничката група ја напуштија собраниската седница за ратификација на Договорот со Грција, изјави дека тој договор не е компромис туку уцена.

„Овој договор не е компромис туку уцена која некој морал да ја потпише или поради претходни дејствија или за идна награда“, рече Милошоски.

Тој додаде дека „биле прекршени сите процедури и било злоупотребено европското знаменце, а договорот со грција е неуставен и национално понижувачки“.

Пратениците на ВМРО-ДПМНЕ објавија дека ја напуштаат работата на Собранието, а дали тоа ќе биде само за ратификацијата на Договорот со Грција или и другите седници во иднина, како што рекоа, ќе одлучат органите на партијата.

XS
SM
MD
LG