Достапни линкови

Иванов: Борисов зазема страна


Бугарскиот премиер ја откажа за денес планираната средба со македонскиот претседател Иванов

Откажувањето на денешната планирана средба од страна на бугарскиот премиер Бојко Борисов, според претседателот Ѓорѓе Иванов претставува „заземање на страна, што не придонесува за конструктивност и соработка“.

„Тоа е негова одлука и негова е одговорноста. Затоа што тој не е само премиер на Бугарија, туку и на земја која претседава со ЕУ. Европската Унија секаде промовира дијалог, конструктивност, отвореност и соработка така што со тој негов гест само зазема страна и не го остварува тоа што е и цел на членување и претседавање со ЕУ“, изјави Иванов.

Претседателот Иванов денеска престојува во официјална посета на Бугарија и имаше средба со неговиот бугарски колега Румен Радев.

Покрај Борисов, планираната средба со Иванов ја откажа и шефицата на бугарската дипломатија Екатерина Захариева.

XS
SM
MD
LG