Достапни линкови

Иран разбил „терористичка мрежа“


Воена вежба на Иранската револуционерна гарда

Иранските власти соопштија дека уапсиле 27 припадници на „терористичка мрежа“, осомничени за планирање на напади за време на светиот месец Рамазан. Групата требало да изврши „терористички операции“ во Техеран и во други големи градови во земјата, информира Министерството за разузнавање. Во соопштението се наведува дека групата „објавувала фотографии во интернет просторот преку кои ѝ се заканувала на големата иранска нација со одмазда и убиство“. Се наведува дека нападите требало да се случат минатата недела. Министерството соопшти дека се откриени поголемо количество оружје и муниција.

Иранската Исламска револуционерна гарда вчера соопшти дека спречиле три обиди за уфрлање на „терористички групи“ од соседен Ирак во изминатите денови, при што биле убиени 13 напаѓачи.

Иран, кој е доминантно шиитска земја, често е мета на сунитските екстремисти.

XS
SM
MD
LG