Достапни линкови

Грчкиот министер Флабурарис: набргу ќе биде постигнат договор за името


Знамиња на Грција, Македонија и Европска унија.

Отворена е голема можност за решение на прашањето, а Независни Грци појасно да го видат интересот на земјатаи да не го спречат постигнувањето решение, вели министерот без ресор на Грција Алекос Флабурарис за весникот „Етнос“. Независни Грци се коалиционен партнер во грчката Влада.

„Ова прашање не постоеше во почетната агенда на владата, ниту беше дел од договорот за соработка. Но, ставовите на нашите партии беа познати. Сепак, се појави прашањето и сметаме дека ова е голема можност да се реши. Затоа, лично ги повикувам Независни Грци да не ја спречат можноста што се отвора за нашата земја да обезбеди мирно решение кое ги штити нашите национални интереси. Нека го видат појасно интересот на земјата“, вели Флабурарис.

Грчкиот министер без ресор изразува убеденост дека набргу ќе постои договор меѓу Македонија и Грција, а вели дека актуелната грчка влада често носела и носи тешки одлуки, но тие биле за доброто на земјата, пренесува МИА од Атина.

„Договорот набргу ќе се постигне со сложено име за внатрешна и надворешна употреба (erga omnes), со отстранување на иредентистичките претензии и промена на Уставот на соседната земја, објаснува Флабурарис за „Етнос“ и додава дека „мудрите и демократски граѓани во Грција поддржуваат решение“, вели Флабурарис.

XS
SM
MD
LG