Достапни линкови

Трамп: Русија треба да се врати во Г7


Вашингтон- Претседателот на САД Доналд Трамп зборува пред Белата куќа пред да замине во Канада, 08.06.2018

Претседателот на САД Доналд Трамп рече дека земјите членки на Г7, “треба да дозволат враќање на Русија во елитната група", четири години откако беше исфрлена, тогаш од Г8, поради анексијата на Кримскиот регион од Украина.

Коментарот на Трамп даден денеска доаѓа пред тридневниот самит во Канада на кој се лидерите на индустриски најразвиените земји.

“Зошто имаме состанок без Русија? Треба да ја пуштат Русија внатре, оти треба да ја имаме таа земја на преговарачката маса” рече Трамп.

Портпаролот на Кремљ Дмитри Песков одговори наведувајќи дека “Русија останува фокусирана на формати поинакви од Г7”. Тој претходно неделава рече дека релевантноста на групата опаднала во последниве години и дека други формати како Г 20, се поважни за нив. Во Г7 се Канада, САД, Франција, Германија, Италија, Јапонија и Британија.

XS
SM
MD
LG