Достапни линкови

Хрватска стравува од епидемија на мали сипаници


Илустрација

Откако во Дубровник е хоспитализиран пациент за кој постои сомневање дека е заразен со морбили (мали сипаници), во Хрватска се шири страв од епидемија, но и се поставува прашањето зошто е зголемен бројот на невакцинирани деца, кој во Дубровник минатата година изнесувал дури 60 отсто, додека тој процент во Дубровачко неретванската жупанија изнесува 45 отсто.

Како што пренесуваат хрватските медиуми, прашање на време е кога и во Хрватска ќе избувне епидемија, која во Србија годинава однесе петнаесетина животи.

Епидемиолозите велат дека е „чиста случајност“ што до сега во јужниот дел на Хрватска не избувнала епидемија со оглед на процентот на невакцинирани деца, како и дека не е јасно што се случува на тоа подрачје и зошто токму во таа област има толку висок процент на невакцинирани.

XS
SM
MD
LG