Достапни линкови

Владата бара алтернативи за финансирање на гасоводната мрежа


Изградба на магистрален гасовод, дел од проектот за изградба на Националниот гасоводен систем во Република Македонија.

Владата на денешната седница ја разгледа и ја усвои информацијата за потребата од алтернативно финансирање за реализација на изградбата на дистрибутивната гасоводна мрежа во Република Македонија и го задолжи Министерството за финансии да ја информира Владата за можностите за финансирање за реализација на изградбата на секундарниот дистрибутивен гасовод во Република Македонија.

Владата исто така ја разгледа и ја усвои информацијата во врска со потпишувањето заедничка декларација од страна на премиерите на Бугарија и Македонија за овозможување спојување еден ден однапред на пазарите на електрична енергија во Бугарија и Македонија, како и меморандумот за разбирање меѓу Министерството за економија и Министерството за енергетика на Бугарија за спојување еден ден однапред на пазарите на електрична енергија, со нацрт-текст на меморандумот.

Ова е втората и последна фаза од претходно донесената одлука на Владата за соработка на пазарот со електрична енергија со Бугарија со цел на учесниците на пазарот да им се понудат нови деловни можности и прекугранична трговија за постигнување ефикасност, конкурентни цени и повисоки стандарди за услуги.

XS
SM
MD
LG