Достапни линкови

Договор во последен момент или нови избори во Италија


Фотографија од изборите во Италија во март годинава

Ако не се постигне договор во последен момент за формирање на нова влада Италија треба да одржи нови избори на 8 јули, откако пред два месеца беа одржани избори без јасен исход, соопштија денеска Движењето пет ѕвезди и ултрадесничарската партија Лига.

Лидерот на Лига, Матео Салвини и лидерот на Движењето пет ѕвезди Луиџи ди Мајо предложија датум за повторни избори по средбата во Парламентот, додека претседателот на Италија, Серџо Матарела одржува последна рунда консултации во обид да издејствува политички договор помеѓу партиите. Претходно, Салвини изјави дека од Матарела побарал мандат за формирање на влада.

XS
SM
MD
LG