Достапни линкови

Борисов - Да и помогнеме на Србија да стане членка на ЕУ


Романија - Бугарскиот премиер Бојко Борисов и романската премиерка Виорика Данцила.

Бугарскиот премиер Бојко Борисов, вели дека Бугарија, Грција и Романија треба да направат сè што е можно Србија да стане дел од Европската унија. Борисов учествуваше на средбата на Советот за соработка на високо ниво меѓу Бугарија, Романија, Србија и Грција.

Третата средба меѓу лидерите на четирите држави се одржа во Букурешт и нејзин домаќин беше романската премиерка Виорика Данцила, јави БТА.

На неа учествуваа и грчкиот премиер Алексис Ципрас и претседателот на Србија Александар Вучиќ.

Борисов оцени дека ако некоја држава од Балканот има проблеми тоа се рефлектира врз сите. Тој напомена дека цел на средбата е развој на инфраструктурата во регионот, дигиталната инфраструктура, поврзаноста, билатералните односи, како и зголемување на растот на економиите на Балканот.

XS
SM
MD
LG