Достапни линкови

Џолев: Судот нема законски пропусти во врска со Фејзи Азири


Иван Џолев, претседател на Кривичниот суд.

Претседателот на Кривичниот суд, Иван Џолев на денешниот брифинг со новинарите изјави дека судот нема законски пропусти во врска со Фејзи Азири, обвинет во случајот „Монструм“.

Азири, кој издржува затворска казна за нелегална трговија со оружје во штипскиот затвор од Министерството за правда до 28 февруари добил прекин на издржувањето поради болест. На 21 февруари, како што рече Џолев, Азири поднел барање за продолжување на прекинот на издржување на затворската казна, но до крајот на февруари немало одлука по ова барање и тој на 1 март требало да се врати во затворот во Штип.

Вчерашното судење за случајот „Монструм“ беше одложено токму поради тоа што Азири не се појави во судница. Азири вчера беше уапсен на Клиниката за пулмологија, каде што е хоспитализиран.

XS
SM
MD
LG