Достапни линкови

Полска купува ракетни системи од САД


Претседателот на Полса, Анджеј Дуда

Полска потпиша договор со Соединетите Американски Држави за купување ракетни системи за противвоздушна одбрана. Договорот е вреден 4,75 милијарди американски долари. Полска се обидува да ја засили својата одбрана, поради сè поагресивните потези на Русија во регионот.

Претседателот на Полса, Анджеј Дуда, вели дека станува збор за историски договор за неговата земја и за нејзините вооружени сили.

„Тоа се многу пари, но од нашето историско искуство знаеме дека безбедноста нема цена“, рече Дуда.

Системот е компатибилен со технологијата што ја користат НАТО и американските војници со седиште во Полска, рече Дуда. Дел од системот ќе се прави во Полска, што ќе биде и поттик за индустријата за оружје во земјата.


XS
SM
MD
LG