Достапни линкови

Објавени финалистите за наградата за храброст на жените


Фериде Рушити

Жени од Авганистан, Казахстан и Косово се меѓу 10-те финалисти за Меѓународната награда за храброст на жените, која традиционално се доделува од американскиот Стејт Департмент. Наградата се однесува за жените низ светот кои покажале лидерство, храброст, снаодливост и подготвеност да се жртвуваат за други, особено во промовирањето на женските права.

Државниот заменик секретар Џон Саливан ќе биде домаќин на утрешното доделување, а свое обраќање ќе има и првата дама Меланија Трамп. Ферида Рушити од Косово е меѓу номинираните. Таа е основач и директор на Центарот за рехабилитација на жртвите од тортура, чиј активизам доведе до одлука на властите да обезбедат пензии на жртвите на сексуално насилство за време на војната во Косово.

XS
SM
MD
LG