Достапни линкови

СЈО со три нови истраги, за прв пат осомничен Ахмети


Обвинителката на СЈО, Фатиме Фетаи

Обвинителката на СЈО, Фатиме Фетаи денеска соопшти дека отвориле три нови истраги. Првата истрага е наречена „Попис“ и осомничени се претседателите на ВМРО-ДПМНЕ и на ДУИ, Никола Груевски и Али Ахмети. Тие се осомничени дека во октомври 2011 искористувајќи ги своите овластувања како лидери на политички партии се договориле да го стопираат пописот на населението и да ги сокријат неповолните факти за демографската структура на населението. Со цел да ја избегнат одговорноста, според Фетаи, во јавноста било кажано дека пописот е стопиран поради технички причини..

Втората истрага на СЈО е наречена „Моќник“, во која осомничен е пратеник кој овозможил по ниски цени да биде распродаден државен имот на негови блиски луѓе. Во случајот се осомничени 13 лица, меѓу кои и таткото на пратеникот и градоначалникот на општина Македонски брод. Во 2011 година, како што наведе Фетаи, во заблуда бил донесен советот на општината да отуѓи и продаде задружен дом со што била нанесена штета од 50 илјади евра.

Третата истрага е за фирмата Актор, која беше избрана да го гради автопатот Демир Капија - Смоквица. Фирмата, како што посочи Фетаи, тендерот го добила со злоупотреба на постапката за јавна набавка, а се сомничи и за перење на пари. Осомничен во случајот е поранешниот премиер Никола Груевски, кој заедно со екс министерот за транспорт и врски Миле Јанакиески во 2012 година кога се оценувале понудите за тендери, наместо да биде избран понудувач од Италија, ги поттикнале службениците да ја да фаворизираат Актор од Грција.

XS
SM
MD
LG