Достапни линкови

Владините сили ја вратија контролата во западен Авганистан


Авганистанските официјални претставници соопштија дека владините сили повторно ја презеле контролата врз штабното подрачје во западниот дел на Авганистан, кое накратко беше запленето од страна на талибанските милитанти. Портпаролот на Министерството за одбрана, Далат Вазери, изјави дека авганистанските сили се повлекле од центарот на провинцијата Анахара, по неколку часа борби против талибанските милитанти. Сепак, Нусрат Рахими, заменик-портпарол на Министерството за внатрешни работи, подоцна изјави дека безбедносните сили ја презеле контролата врз штабот на окрузите, откако милитантите биле цел на воздушните напади.

Рахими изјави дека 56 милитанти биле убиени, а десетици други биле повредени во воздушните напади. Осум полицајци, вклучително и командант на локалната полиција, биле убиени, а 10 други биле повредени во утринскиот напад. Првичните извештаи покажале дека околу 15 членови на владата и силите за безбедност биле убиени и повредени во нападот, кој започна доцна синоќа. Талибанците ја презедоа одговорноста за нападот, соопштувајќи дека 15 полицајци биле убиени, а неколку воени возила запленети заедно со големо количество муниција.

XS
SM
MD
LG