Достапни линкови

НАТО: Украина земја аспирант за членство, Македонија и Босна најнапред во процесот


Генеричка фотографија-ракување НАТО и Украина

НАТО и даде на Украина статус на земја аспирант за евентуално зачленување во западната воена алијанса. На интернет страницата на НАТО во делот проширување вчера е објавено кратко соопштение во кое се наведува дека во моментов “четири земји партнери ги покажаа своите асприрации за зачленување во НАТО: Босна и Херцеговина, Грузија, Поранешната југословенска Република Македонија и Украина”.

“Вратите на НАТО остануваат отворени за која било европска земја која е во позиција да ги преземе обврските за членство и да соработува за безбедноста во евроатлантската област. Од 1949 година членството на НАТО се зголеми од 12 на 29 земји низ седум рунди на проширување” се наведува на интернет страницата на воената алијанса.

Во делот за Македонија алијансата наведува дека “Поранешната југословенска Република Македонија е уверена дека ќе биде поканета да стане членка на НАТО веднаш откако ќе се најде заемно прифатливо решение за прашањето за името со Грција”. Од земјите кои се аспиранти Македонија и Босна и Херцеговина се најнапред во процесот и имаат Акциски план за членство (МАП).

Украинскиот парламент на 8 јуни 2017 година го изгласа законот со којј НАТО интеграцијата на земјата стана надворешно политички приоритет. Во јули 2017 година украинскиот претседател Петро Порошенко објави дека ќе бара отворање на преговорите за МАП со НАТО.

XS
SM
MD
LG