Достапни линкови

Меј: Правниот документ на ЕУ за Британија е неприфатлив


Британската премиерка Тереза Меј му пренела на претседателот на Европскиот Совет Доналд Туск дека нацрт правниот текст на Европската Комисија за Брегзит е неприфатлив за Лондон, соопштуваат од нејзиниот кабинет.

„Тереза Меј рече дека нацрт текстот кој вчера го објави Европската Комисија е неприфатлив за Велика Британија бидејќи во случај на негова примена би се поткопале заедничкиот пазар и уставниот интегритет,“ се вели во соопштението од премиерскиот кабинет.

Меј меѓудругото го извести Туск за говорот кој ќе го одржи утре во врска со „амбициозното економско партнерство“ што сака да го постигне со ЕУ, се наведува во соопштението.

Во меѓувреме, главниот европски преговарач за Брегзит, Мишел Барние денеска изјави дека на располагање на Лондон му останува само уште договорот за слободна трговија. Според неговите зборови дури и да е во царинската унија, Британија ќе мора да се соочи со гранични контроли во ЕУ.

XS
SM
MD
LG