Достапни линкови

Останува на сила одлуката на британскиот суд за апсење на Асанж


Основачот на Викиликс Џулијан Асанж.

Останува на сила одлуката на британскиот суд за апсење на основачот на Викиликс Џулијан Асанж. Судијката Ема Арбутнот ја потврди одлуката донесена пред пет години за налог за апсење на Асанж. Таа постапуваше по барање на адвокатите на Асанж налогот за апсење да биде поништен, бидејќи за него повеќе не важи потерницата од Шведска. Шведското обвинителство се откажа од истрагата против него по обвиненијата за силување и го повлече барањето да биде испорачан во таа земја. Но судијката рече дека не е убедена дека налогот треба да биде повлечен.

Асанж во меѓувреме останува во азил во амбасадата на Еквадор во Лондон, во која се ноаѓа од јули 2012.

Тој не ја напушти амбасадата плашејќи се дека ќе биде испорачан во САД, каде се бара за објавување на многу доверливи воени и дипломатски документи.


XS
SM
MD
LG