Достапни линкови

Протест против Македонија во Солун


Протест против користење на зборот Македонија во името на нашата земја во Солун

Со грчки знамиња и знамиња со сонцето од Вергина, со слогани дека Македонија е грчка и со плакати со пораки „Македонија била е и ќе биде грчка“, „Тргнете ги рацете од Македонија“, „Името е нашата душа“ илјадници Грци се собраа во центарот на Солун на протестот за „одбрана на името“.

Собирот, јавува МИА, започна кусо пред 14 часот по локално време и во тек се обраќања на претставници на здруженијата што се организатори.

Пораката дека Македонија е грчка е во фокусот на сите оние што им се обратија на присутните. Дел од организаторите рекоа дека оној што ќе го даде името Македонија, ќе биде национален предавник.

Протестот го поддржаа и митрополити од Северна Грција, а свое обраќање имаше и солунскиот митрополит Антимос. Тој претходно на литургија во црквата Свети Димитрија во Солун рече дека Македонија е еднакво на Грција и Грција е еднакво на Македонија.

Речиси во исто време со собирот, левичарски и анархистички организации одржуваат контра протест, но одѕивот е многу мал. Пораките што тие ги упатуваат преку нивните плакати се дека тие се „против секаков национализам, наша татковина е целата земја“ и „Ни капка крв за имиња и меѓудржавни конфликти“.

Претходно, според локалните медиуми, се случи мал инцидент, кога анархисти, со шишиња и камења нападнале група демонстранти кои со грчки знамиња се упатувале кон протестот.

XS
SM
MD
LG