Достапни линкови

Министерство за здравство: Нема инсулинска криза


Илустрација: инсулин.

Министерството за здравство соопшти дека во Македонија нема инсулинска криза и оти се обезбедени доволни количества во земјата, откако Здружението на лица со дијабетис од Велес преку отворено писмо побараа од премиерот Зоран Заев да стави крај на кризата со недостиг на инсулин.

Од Министерството за здравство велат дека преку компанијата производител обезбедени се доволно количества инсулин, уверувајќи болните од дијабетис да бидат спокојни бидејќи лекот го има.

„Проблемот кој го имавме неодамна, беше причина повеќе Министерството да почне со изработка на ново законско решение, процес кој веќе е во тек, односно веќе се работи на системско решавање на овој проблем и создавање предуслови, со кои ќе спречиме во иднина да се јавуваат вакви или слични проблеми, бидејќи не смее да биде загрозено здравјето на ниту еден поединец во Република Македонија“, стои во соопштението.

Претходно денеска и портпаролот на Владата Миле Бошњаковски изјави дека нема инсулинска криза и оти има доволно залихи на инсулин.

XS
SM
MD
LG