Достапни линкови

Одбиена кандидатурата на Навални за претседателските избори во Русија


Алексеј Навални

Руската централна изборна комисија ја одби кандидатурата на активистот за борба против корупцијата и опозициски политичар Алексеј Навални за претстојните претседателски избори во земјата. Тој доцна синоќа ги поднесе документите потребни за регистрирање како претседателски кандидат.

„Избори без нас не се избори. Ние сме способни да им се спротивставиме на актуелните власти. Нашето клучно барање е да ни биде дозволено да учествуваме на изборите“,изјави Навални.

Анкетите покажуваат дека претседателот Владимир Путин е на пат да биде реизбран на функцијата, што значи дека ќе остане на власт до 2024 година.Изборната комисија претходно одлучи дека Навални не може да се кандидира за јавна функција до 2028 година поради обвиненија за финансиски криминал, за кои тој вели дека се фабрикувани од властите поради политички причини.

XS
SM
MD
LG