Достапни линкови

Албанија-десет пратеници под истрага поради насилство во парламентот


Албанија-чадна бомба во Собранието додека се гласаше за нов, привремен, јавен обвинител, 18.12.2017

Полицијата и обвинителството во Тирана во заедничко соопштение наведуваат дека во врска со вчерашните случувања во и надвор од албанскиот парламент, под истрага се десет пратеници,шест учесници во протестот се притворени, а двајца ќе се бранат од слобода.

„Под истрага се пратеничката и лидерка на Движењето за социјалистичка интеграција, Моника Круемади и пратениците од истата партија Кејди Мехметај,Флоида Керпачи и Ендрит Браимлари,како пратениците на демократската партија, Фљамур Нока, Клевис Балиу,Грида Дума,Гент Стразимири,Еди Паљока и Ервин Салиањи,кои се товарат за спречување на службено лице во извршување на работна задачи“ се наведува во соопштението.

Во врска со насилното однесување пред парламентот притворени се шест лица,додека две ќе се бранат од слобода. Според полицијата, тие се товарат за активни насилни активности, фрлање тврди предмети кон полициските работници, фрлање пиротехнички средства како и спречување на полициските работници во извршување задача со насилно однесување.Полицијата трага по други лица под истото обвинение.Во вчерашниот судир на учесниците на протестот на опозцијата со полицијата,пред Парламентот повредени се шест од кои две полицајки.


XS
SM
MD
LG