Достапни линкови

Ахмети-итна потреба од меѓународна истрага за случајот Диво Насеље


Архивска фотографија-претседателот на ДУИ Али Ахмети

Локалните избори, политичката состојба во земјата и регионот, како и интеграција на Македонија во НАТО, биле тема на разговор на денешната средба во Тетово меѓу лидерот на ДУИ, Али Ахмети и шефот на канцеларијата на НАТО во Македонија, Горазд Бартол, информираа од партијата.

На средбата, наведуваат од ДУИ, Ахмети ја коментирал одлуката на првостепениот суд за случајот Куманово, нагласувајќи ја итната потреба за да спроведе меѓународна истрага за случајот, да се разменат важни информации со Косово и Албанија, да се формира анкетна комисија во Собранието, слично како за случај „Сопот“, се со цел целосно расветлување на случајот, вклучувајќи ги мотивите и организаторите, без да се остават нејаснотии.

„Во наредните денови очекуваме и заокружување на нормативниот дел на Охридскиот договор преку јазична еднаквост, додека ДУИ останува посветена да го води реформскиот процес во земјата преку спроведување на итните препораки на Европската комисија, но и градење на добрососедски односи и надминување на споровите што ќе ни го отвори патот кон Брисел“, рекол Ахмети.

Тој ги оценил изборите како демократски, слободни и прифатливи за сите страни и нагласил дека земјава има потреба за обединета и конструктивна опозиција за поддршка на реформите и прогресивните процеси во земјата.

XS
SM
MD
LG