Достапни линкови

Во Босилово денеска референдум за рудникот Иловица


Илустрација-гласање на избори

Жителите на општина Босилово денеска на референдум се изјаснуваат дали се за или против работењето на рудникот за бакар и злато Иловица и дали се за или против отворање рудници за експлоатација на метални и металични суровини во нивната општина.

Правото за изјаснување на референдум жителите на Босилово може да го остварат на 19 гласачки места. На единствениот гласачки список се запишани 12.301 полнолетно лице, а за референдумот, да биде успешен треба да гласаат 6.151 граѓанин или 50 отсто плус еден глас.

Од Општинската изборна комисија информираа дека во општина Босилово вчера своето право на глас го оствариле четири лица кои се пријавиле како болни и изнемоштени и нивните ливчиња се затворени до утрешното пребројување. Во струмичкиот регион, за работењето на рудници, на 17 септември на референдум ќе се изјаснат и жителите на општина Ново Село.

XS
SM
MD
LG