Достапни линкови

Вајгл: Тензиите му штетат на регионот и неговата европска перспектива


Архивска фотографија.Еврокомесарот Јоханес Хан и европратеници Иво Вајгл, Едвард Кукан и Кнут Флекенштајн во Македонија

Известувачот за Македонија во Европскиот парламент и член на Делегацијата за спроведување на Спогодбата за стабилизација и асоцијација на Србија, Иво Вајгл, денеска предупреди дека тензиите на Балканот нанесуваат штета на регионот и на перспективата на процесот на проширување на ЕУ.

"Во овој момент, во многу земји членки, можеме да видиме зголемено колебање кога станува збор за процесот на проширување и фокусирање на консолидација на Унијата, која е погодена од Брегзит, финансиската и бегалската криза. Нешто најнепродуктивно што можат земјите-кандидати да направат е да ги зголемат меѓусебните тензии и да се свртат кон традиционалната нетрпеливост, заснована на историски или псеудоисториски прашања" изјави Вајгл за Танјуг, по повод политичко-дипломатскиот спор меѓу Белград и Скопје.

Според Вајгел доколку регионот сака да ја задржи перспективата за проширување жива, мора да се претстави како хомоген, привлечен како пазар, но и доверлив партнер, кој ќе претставува додадена вредност на европската стабилност и безбедност.

"Тензиите, полемиките и повикувањето на старите меѓунационални расправи се опасни и штетни за сите земји кои во нив учествуваат. Би било корисно кога лидерите на Балканот би биле свесни кога влегуваат во радикални вербални конфликти со соседите", рече Вајгл

XS
SM
MD
LG