Достапни линкови

Возовите и натаму стојат, се бара решение за платата во Железници


Вработените во Македонски железници, кои протестираат со блокада на железничкиот сообраќај две недели, изутрина се сретнаа со в.д директорот на МЖ Транспорт ,Игор Коруноски, но сè уште не е постигнат договор за прекин на протестот. Според Коруноски, контактите со вработените ќе продолжат и се бара решение во текот на денов да се почне со работа.

„Повторно е понудено решението што беше претставено вчера, веднаш да се исплати првиот дел од јануарската плата и здравствено осигурување и да се почне со прибирање средства за вториот дел. Вработените бараат информација и гаранција за вториот дел од платата. Имаме контакти со вработените и се бара решение во текот на денот да се почне со работа“, изјави за МИА Коруноски.

Ѓоко Илиески од Иницијативниот одбор за спроведување на протестот информира дека повторно им е претставено решението и оти по претпладневните разговори со раководството очекуваат нови информации попладне. Поради протестот на вработените во МЖ, 15 дена целосно е прекинат товарниот и патничкиот сообраќај во Македонија. Коруноски вчера апелираше вработените да почнат со работа, посочувајќи дека само така ќе може да се исфактурираат парите за платата преку Министерството за транспорт и врски.

XS
SM
MD
LG