Достапни линкови

Вести

Затворени училишта во Турција, поради новиот грип

Турското министерство за здраство наредило затварање на училиштата во еден град на југот на земјата, поради појава на свински грип. Училиштата ќе бидат затворени една недела. Министерстото донело ваква одлука откако 7 луѓе добиле позитивни резултати на тестот за утврдување на новиот грип. Минатата недела беше затворено средно училиште во Анкара. Во Турција досега има 551 човек заболен од новиот грип.




види ги сите денешни вести

Северна Кореја нареди артилериски оган како одговор на воените вежби на Јужна Кореја

илустрација

Војската на Северна Кореја денеска соопшти дека наредила артилериски оган втор ден по ред како одговор на воените вежби на Јужна Кореја. Неименуван севернокорејски воен портпарол изјави дека планираниот артилериски оган бил наменет како предупредување до Сеул поради артилериските вежби што ги спроведува во пограничниот регион. Соопштението беше објавено еден ден откако Северна Кореја истрела 130 артилериски проектили во морето во близина на нејзините западни и источни поморски граници со Јужна Кореја. Јужнокорејската војска изведува вежби со боева муниција на два полигони во регионот Чеорвон. Вежбите почнаа вчера и треба да траат до среда. Последните воени акции дополнително ги влошија односите меѓу Јужна и Северна Кореја.

Воени авиони на Кина и Русија влегле во зоната за воздушна одбрана на Јужна Кореја

Во меѓувреме, руското Министерство за одбрана соопшти дека распоредило мобилни ракетни системи за крајбрежна одбрана на северните Курилски острови што се протегаат меѓу Јапонија и рускиот полуостров Камчатка. Јапонија полага право овие острови, кои Токио ги нарекува Северни територии, територијален спор што датира од крајот на Втората светска војна, кога советските трупи ги зазедоа од Јапонија. Руските системи Бастион, кои имаат проектили со опсегот на летот до 500 километри беа распоредени на островот Парамушир, соопшти руското Министерство за одбрана.

На истокот на Украина продолжуваат тешките борби

Украинската војска користи самоодна артилериска инсталација 2C1 „Гвоздика“ од 122 мм во регионот Доњецк

Украинските сили се соочија со нова рунда руски напади на исток, соопшти денеска Генералштабот на украинската војска. Во меѓувреме техничарите се обидуваат да ја вратат електричната енергија по последниот бран ракетни напади на Москва што предизвика прекини во снабдувањето со електрична енергија низ целата земја. Руските трупи ја продолжија својата офанзива во областите Бахмут и Авдијевка во регионот на Доњецк, соопшти Генералштабот, додавајќи дека со тенковско и артилериско бомбардирање биле нападнати околу 20 населени места во областа, вклучувајќи ги Соледар, Верхнокамјанске, Андријивка и Јаковљивка. Официјалните лица предупредија дека критичната енергетска инфраструктура на Украина и понатаму е загрозена од дополнителни руски напади и дека повторно ќе има итни прекини во неколку региони.

Русија ги обнови ракетните напади врз Украина

Украинскиот претседател Володимир Зеленски во своето ноќно обраќање објави дека четири лица загинале во руските напади. Но, „нашиот народ никогаш не се откажува“, рече Зеленски. Околу половина од регионот околу украинскиот главен град ќе остане без електрична енергија во наредните денови по руските ракетни напади врз електроенергетските постројки, изјави регионалниот гувернер на Киев. Оштетувања претрпеа и други региони, при што сите пумпни станици за вода и резервни линии во регионот Одеса ја загубија електричната енергија и беше прекинато снабдувањето со вода.

Експлозии во две воздушни бази во Русија

Аеродромот во рускиот регион Курск преку границата со Украина, бил цел на „напад со беспилотни летала“, соопшти гувернерот Роман Старовојт, кој не прецизира од каде потекнува дронот. „Како резултат на напад со беспилотно летало во реонот на аеродромот Курск, се запали резервоар за складирање нафта“, објави Старовојт на социјалните мрежи, додавајќи дека нема жртви. До ова дојде еден ден откако Москва ја обвини Украина дека извршила смртоносни напади со беспилотни летала на два други аеродроми. Информацијата не можеше да биде независно потврдена. Исто така, Ројтерс објави дека администрацијата на американскиот претседател Џо Бајден свикал виртуелен состанок на 8 декември со директорите на нафта и гас за да разговараат за тоа како Вашингтон може да ја поддржи украинската енергетска инфраструктура.

Во Вашингтон Меѓународна конференција за борба против корупцијата

Владата на САД, во координација со Бирото за меѓународни наркотици и спроведување на законот на Стејт департментот, заедно со Транспаренси Интернешнл организираат Меѓународна конференција за борба против корупцијата. Главна тема на конференцијата која ќе трае до 10 декември е „Искоренување на корупцијата: одбрана на демократските вредности“.

Германската амбасадорка Холштајн предупредува на проблемот со корупцијата во Македонија

Како што наведуваат организаторите, корупцијата ја поткопува демократијата и почитувањето на човековите права, ги попречува инвестициите, го задушува економскиот раст, ги попречува владините служби и дозволува криминалот да цвета.

Меѓународната критикува, власта уверува дека борбата против корупцијата е главен приоритет

Одговарајќи на оваа транснационална закана, американскиот претседател Џо Бајден ја утврди борбата против корупцијата како основен национален безбедносен интерес на САД, објавувајќи ја првата американска стратегија за борба против корупцијата и издигнувајќи ја борбата против корупцијата како столб на Самитот за демократија. Неговата администрација ги проширува и користи алатките за дипломатска и странска помош за да ги унапреди овие напори. Во оваа активност учествуваат 180 земји од светот.

Бугарија ги отфрли медиумските обвинувања за пукање врз бегалци на границата

мигранти на бугарско-турската граница (фотографија од датотека)

Бугарија ги отфрли обвинувањата дека нејзините граничари застрелале сириски бегалец во октомври, откако видеото објавено вчера покажува дека е пукано врз маж на границата со Турција. Снимката на која барател на азил е погоден со боева муниција на 3 октомври е дел од заедничката истрага на неколку европски медиуми предводени од Lighthouse Reports. На видеото снимено на турската страна на границата, млад човек паѓа на земја откако куршум му поминува низ раката и во градите. Мажот, на одделни снимки снимени неколку дена подоцна, се идентификува како 19-годишен Абдула Ел Рустум од Сирија. Тој рече дека бил застрелан од бугарски граничари откако неговата група била фатена додека илегално влегувала во Бугарија и била вратена назад во Турција.

Дали бугарското МВР работи со луѓе како Динко, „ловецот на бегалци“?

Бугарската влада ги отфрли обвинувањата, тврдејќи дека војниците кои ја чуваат границата строго ги следат меѓународните и домашните закони. „Нема случаи на насилство врз мигранти“, изјави министерот за внатрешни работи Иван Демерџиев, наведувајќи дека странските медиуми во последно време почесто известуваат за миграцијата преку бугарско-турската граница. Заедничката истрага предводена од Lighthouse Reports ги вклучи британската телевизија Скај њуз, францускиот весник Ле Монд, британскиот весник Тајмс, италијанскиот весник Домани, бугарскиот сервис на РСЕ и германската телевизија АРД.

Зошто Холанѓаните го блокираат влезот на Бугарија и Романија во Шенген?

„Има јасни заклучоци од двете страни дека нема докази дека е пукано од бугарски граничен полицаец и дека не се преземени активности за кршење на нечии човекови права“, рече Демерџиев. Тој додаде дека граничните службеници неодамна се соочиле со поголема агресија од луѓе кои се обидувале неовластено да влезат во Бугарија, вклучително и некои кои користеле камења и ножеви. „Ако некој очекува дека бугарската полиција нема да одговори на таквите акции, греши“, рече Демерџиев.

Во Приштина средба Лајчак-Курти

Мирослав Лајчак, специјалниот пратеник на Европската унија за дијалог меѓу Косово и Србија и премиерот на Косово, Албин Курти

Мирослав Лајчак, специјалниот пратеник на Европската унија за дијалог меѓу Косово и Србија, денеска во Приштина ќе се сретне со премиерот на Косово, Албин Курти, соопшти Владата на Косово. Се очекува теми на нивниот разговор во вторник да бидат подготовките за средбата на претставниците на Приштина и Белград на највисоко ниво и натамошен напредок во процесот на дијалог за нормализација на односите. Вчера Лајчак во Белград разговараше со претседателот на Србија, Александар Вучиќ.

Вучиќ потврди дека ќе присуствува на Самитот во Тирана

По средбата Вучиќ најави дека разговарале за последните настани на Косово и за проблемите со кои, како што рече, се соочуваат Косовските Срби поради „едностраните и нелегитимни потези на Приштина“. „Ја истакнав неопходноста од спроведување на договорот за Заедницата на српските општини и почитување на правата и волјата на нашиот народ“, најави Вучиќ. Тој изјави дека Србија е решена да продолжи со конструктивниот дијалог со цел мир и просперитет.

Ескобар: Ќе се спроведе одлуката за формирање Заедница на српски општини

Мирослав Лајчак дојде во Белград откако Србија ја критикуваше одлуката на косовскиот премиер Албин Курти минатата недела да го назначи Ненад Рашиќ, лидер на Прогресивната демократска партија, на функцијата министер за заедници и враќање во Владата на Косово. Претходно претставници на српската заедница во Косово ги напуштија косовските институции поради несогласување со одлуката на Приштина да ги замени српските регистарски таблички со косовски.

Во Скопје продолжуваат блокадите на приватните превозници

Протест на приватните превозници на автобуси во Скопје

Приватните автобуски превозници денеска ги продолжија блокадите на неколку од главните сообраќајни точки во Скопје. Тие, како што наведуваат, нема да ги отстранат автобусите се додека не се исполнат поставените барања за исплата на долгот што го побаруваат од Град Скопје. Вчера „Слобода превоз“ упати извинување до граѓаните на Скопје за попреченото движење низ градот. „Приватните превозници бараат поддршка од сите граѓани се со цел побргу да се изнајде решение на проблемот“, се наведува во пораката на Слобода превоз.

Јовановски: Ако не се расчисти долгот со приватните превозници, протестите продолжуваат

Директорот на Слобода превоз, Ленин Јовановски побара од останатите институции да се вклучат во изнаоѓање решение за овој проблем и најави дека е можно одредено проширување на протестите. Премиерот Димитар Ковачевски од друга страна, обвини дека хаосот што во овој период му се случува на Градот Скопје е, како што рече, само поради неспособноста и бизнис интересите на ВМРО-ДПМНЕ.

Самит ЕУ-Западен Балкан во Тирана

Тирана

Во Тирана денеска почнува состанок на лидерите на ЕУ и Западен Балкан. Ова е прв самит меѓу ЕУ и Западен Балкан што ќе се одржи во регионот на Западен Балкан. Премиерот Димитар Ковачевски ќе учествува и ќе се обрати на Самитот. Учесниците на Самитот, како што е најавено, ќе ги пречека премиерот на Албанија Еди Рама, а присуство е најавено на високите европски претставници Шарл Мишел и Фон Дер Лаjен, како и премиерите на Белгија, Луксембург и други европски земји. Самитот е можност да се потврди клучната важност на стратешкото партнерство меѓу ЕУ и Западен Балкан, регион со јасна перспектива на ЕУ.

Вучиќ потврди дека ќе присуствува на Самитот во Тирана

Главните теми на разговор ќе бидат: заедничко справување со последиците од руската агресија врз Украина, зајакнување на безбедноста и градење на отпорност против странско мешање, справување со предизвиците што ги носи миграцијата и борбата против тероризмот и организираниот криминал Се очекува лидерите да издадат декларација на крајот од самитот.

ЕУ предложи Акционен план за соработка со Западен Балкан за илегалната миграција

Лидерите ќе разменат мислења за заедничко решавање на управувањето со миграцијата бидејќи бројот на миграциската рута на Западен Балкан значително се зголеми во изминатата година. Ова вклучува усогласување со визната политика на ЕУ и соработка за системите за враќање.

Времето денеска: променливо облачно

Променливо облачно со слаб до умерен ветер од јужен правец. Наутро наместа со појава на магла. Дневната температура ќе се движи од 7 до 13 степени. Во Скопје и околината слично време со дневна температура до 12 степени.

Средба Груби-Агелер за уставните измени, реформите и ветингот

Средба меѓу вицепремиерот Артан Груби и амбасадорката на САД, Ангела Агелер

Денеска се одржа средба меѓу вицепремиерот и министер за политички систем, Артан Груби и амбасадорката на Соединетите Американски Држави, Ангела Агелер, на која се разговорало за потребата од уставните измени, ЕУ-интеграцијата, реформите и процесот на ветинг.

Како што соопштија од кабинетот на Груби, посебен фокус бил ставен на уставните измени како услов за продолжување на европскиот пат на земјава, при што било проценето дека „нема време за губење“.

Во соопштението се наведува дека функционирањето на владината коалиција било оценето како „квалитативно“, а Груби истакнал дека европскиот пат бара заеднички фронт на сите прогресивни сили, додека САД остануваат посветени на поддршката за реформи и овозможување функционална и стабилна демократија.

Тема на разговор бил и предлогот за ветинг што треба да ги опфати сите, од политичките личности, судиите и обвинителите, како форма на борба против корупцијата и акција која гарантира суштинска контрола на функционерите пред да бидат избрани на функцијата.

Агелер пред еден месец дојде во земјава како нова амбасадорка на САД во Северна Македонија.

Абазовиќ и Зеленски потпишаа декларација со која Црна Гора ќе помага на армијата на Украина

Видео повик на претседателот на Украина, Володимир Зеленски и премиерот на Црна Гора, Дритан Абазовиќ

Техничкиот премиерот на Црна Гора, Дритан Абазовиќ и претседателот на Украина, Володимир Зеленски, денеска потпишаа заедничка Декларација за евроатлантската перспектива на Украина.

Како што појаснија од Владата на Црна Гора, земјата се обидува да ја поддржи одбраната на Украина, со донирање 11 отсто од средствата од воениот буџет, како и преку хуманитарен аспект и прием на илјадници бегалци.

Зеленски во видео обраќање рече дека Црна Гора и Украина имаат пријателски односи, без скриени намери.

„Благодарам вам и на народот на Црна Гора за поддршката од првиот ден. Црна Гора е и дом на бегалци, жени и деца, семејства на кои им е потребна поддршка од почетокот на агресијата. Ви благодариме што верувавте во нашата победа, која ќе биде споделени“, рече Зеленски.

По Белгија и Чешка, Црна Гора е трета земја во Европа што ја потпиша оваа Декларација.

„Црна Гора недвосмислено ја поддржува Украина во заштитата на нејзиниот интегритет и нејзиното право да избира како сака да живее и во кои организации сака да се приклучи“, рече Абазовиќ на прес-конференција по потпишувањето на Декларацијата.

Имено, Украина на крајот на септември поднесе барање за членство во НАТО по забрзана постапка. Нејзиното членство во моментов е поддржано од десет членки на Алијансата. За да бидат примени во НАТО, сите 30 членки треба да го одобрат ова барање.

Угостителските услуги за една година поскапеа за 17 отсто

Илустративна фотографија

Државниот завод за статистика соопшти дека цените на угостителските услуги во ноември годинава, во однос на истиот месец лани се зголемени за 17.1 %.

Кумулативно, во периодот јануари – ноември годинава, во споредба со истиот период од 2021, цените се повисоки за 11.9 %, додека пак, во споредба со октомври годинава, растот изнесува 0.1 %.

Инфографика - Колку лебови годишно „јаде“ инфлацијата?
Инфографика - Колку лебови годишно „јаде“ инфлацијата?

Притоа ако се направи споредба на овој со минатиот ноември, најголемо поскапување има во Храна за 22,1%, Алкохолни пијалаци 10,7% и Безалкохолни пијалаци за 7%. Ноќевањата пак се поскапени за 3,9%.

Инфлацијата во октомври пак годинава во споредба со истиот период лани изнесува 19,8 отсто. Владата очекува постепено стабилизирање, а за 2023 се прогнозира стапката на инфлација да изнесува 7,1 процент.

Уругвај под истрага на ФИФА

Светското првенство во Катар 2022 година - Гана против Уругвај, 2 декември 2022 година

Дисциплинската комисија на Меѓународната фудбалска федерација ФИФА најави отворање истрага против Уругвајскиот фудбалски сојуз и неколку играчи на уругвајската репрезентација.

Како што соопшти ФИФА, постапката е покрената по инцидентите на мечот со Гана на Светското првенство во Катар што е во тек.

Се наведува дека истрагата ќе се фокусира на можно навредливо однесување и кршење на принципите на фер-плеј, несоодветно однесување на играчите и официјалните лица и дискриминација од страна на уругвајската федерација.

Уругвајските фудбалери Хозе Хименез, Едисон Кавани, Фернандо Муслера и Диего Годин се предмет на одделни постапки за потенцијални прекршувања на прописите на ФИФА. Тие на натпреварот на 2 декември, во последниот натпревар од групната фаза, го навредуваа судијата Даниел Зајберт од Германија, откако тој означи крај на играта.

Уругвајските играчи го опколија судијата и го навредуваа, додека Кавани при напуштањето на теренот удри и го собори екранот што судијата го користи за ВАР проверка (видео асистенција). Некои медиуми објавија дека еден од играчите на уругвајскиот тим во толпата со лакт удрил службеник на ФИФА по лице, кој по натпреварот бил на теренот во цивилна облека.

Во 57. минута од натпреварот, судијата го консултираше ВАР-от, видео снимка од спорната ситуација, поради потенцијален фаул над уругвајскиот играч, но не досуди пенал.

Во третото коло на Мундијалот Уругвај ја победи Гана со 2:0, но заврши на третото место во групата и испадна од Мундијалот.

Германската амбасадорка Холштајн предупредува на проблемот со корупцијата во Македонија

Германска донација за потребите на МВР

Амбасадорката на Сојузна Република Германија во земјава, Анке Холштајн денеска истакна дека напредокот на Македонија на патот кон Европската Унија ќе зависи во голема мера и од успешното сузбивање на корупцијата. Ова го изјави за време на предавањето на донација во опрема за потребите на МВР и предупреди дека има многу работа. Притоа потсети дека во пристапниот процес кон ЕУ поглавјето за владеењето на правото е првото поглавје кое се отвора и последно се затвора.

„Во зависност од тоа колку брзо Северна Македонија ќе прави напредок на својот пат кон ЕУ зависи од тоа колку брзо ќе се спроведат реформите. И сите ние сме сложни дека тоа е особено тешка задача која претстои и тоа не се однесува само на политичарите, туку и на сите луѓе кои треба да сфатат дека кога ќе заминат на лекар дека не треба да остават некоја банкнота во неговиот мантил, или пак наставничката треба да знае дека не треба да добие подарок од ученикот за 8 Март за да има подобра оценка. И сите треба да научат, и најмалите и најголемите како се води борбата против корупцијата“, порача амбасадорката.

Министерот за внатрешни работи пак, Оливер Спасовски посочи дека во МВР нема простор за селективности за лицата кои прават прекршоци.

„И сами гледате во саботата кон недела имаше казнети пратеници и во Собрание, сакам да кажам дека апсолутно не може да стане збор за селективност и секој споделена информција во делот на кривичниот прогон би ни биле од голема корист“, рече Спасовски.

Критики за борбата со корупцијата во земјава изминативе недели стигнаа и од американската амбасадорка Ангела Агелер, како и од евроамбасадорот Дејвид Гир.

Најпрво изборот на новиот шеф на Обвинителството за борба против организираниот криминал и корупција кој има лични познанства со челниците на ДУИ, беше причина за реакција на амбасадорката Агелер, бидејќи како што рече „САД потрошија милиони долари на обука на обвинители“ во правосудниот систем.

Набрзо потоа реагираше и евромбасадорот Дејвид Гир кој побара професионалност во институциите во случајот со доделувањето на македонско државјанство на Украинецот Олександар Онишченко, кој се наоѓа на црната листа на САД.

Путин го потпиша контроверзниот закон за забрана на ЛГБТ пропаганда

Илустративна фотографија/ Учесник со знаме со виножито за време на Парада на гордоста во Санкт Петербург, 12 август 2017 година

Рускиот претседател Владимир Путин на 5 декември потпиша закон со кој се проширува постоечката забрана за промовирање „ЛГБТ пропаганда“ на децата со тоа што ја забранува меѓу луѓето од сите возрасти.

Според новиот закон, секој настан или чин што се смета за обид за промовирање на хомосексуалноста - вклучително и на интернет, во филмови, книги, рекламирање или во јавност може да донесе висока казна.

Предвидени се до 400.000 рубли (6.600 долари) за физички лица и до 5 милиони рубли (82.100 долари) за правни лица.

Странците би можеле да се соочат со 15 дена апсење и последователно протерување од земјата.

Бранителите на човековите права и активистите кои работат со ЛГБТ+ групите веруваат дека новиот закон ќе оневозможи функционирањето на јавните организации кои им помагаат на ЛГБТ+ организациите.

Тие во ова гледаат обид за дополнително заплашување и угнетување на сексуалните малцинства во Русија.

Бектеши не очекува поскапување на струјата за граѓаните во прв и втор блок

Електрична централа

Министерот за економија Крешник Бектеши изјави дека Владата ќе биде посветена на тоа да нема зголемување на цената на струјата за домаќинствата во првите шест месеци од наредната година, со оглед на тоа што во јануари се прави редовната, шесмесечна корекција на цената на овој енергенс.

Тој појасни дека со оглед на зголемувањето на ДДВ, нема конечна одлука за цената за домаќинства, туку неа ќе ја донесе Регулаторната комисија за енергетика.

„Има време уште три недели, во моментот кога информацијата ќе стигне во Владата, ќе ја известиме јавноста каква одлука донела владата. Одлуката ќе биде во интерес на граѓаните со цел да не плаќаат повисоки сметки во првите шест месеци од наредната година. За граѓаните кои се во прв и втор блок, што се мнозинство во државава, не очекуваме зголемување на цената за електрична енергија. Владата ќе одлучи за цената со која ЕСМ ќе продава до универзалниот снабдувач“, рече Бектеши.

Според него не е во ред некои домаќинства со повисоки приходи да плаќаат иста цена со оние со просечни приходи, а во време на криза да трошат повеќе и од некои големи компании односно над 30-40 мегавати месечно.

„Тие домаќинства ќе плаќаат согласно пазарните услови за електрична енергија, а зошто да не и дополнително со маржа од страна на ЕВН хоум и од страна на ЕСМ. А домаќинствата со просечни приходи во нашата држава, ќе плаќаат цена за електрична енергија како во моментов, што значи дека не би требало да биде поголема од 48 евра“, додаде Бектеши.

Засега нема најави за промена на блоковите во домаќинствата, а се разгледува можноста да се воведат блокови и за малите потрошувачи – микро и мали компании кои согласно законот можат да користат струја од регулиран пазар. До 20-25 декември ЕСМ ќе подготви информација со анализи и проекции, која Владата ќе ја разгледа на затворена седница, и согласно податоците Владата ќе одлучи за цената која ЕСМ ќе ја понуди за универзалниот снабдувач и ќе учествува во тендерската постапка, во овој случај на ЕВН хоум.

Вчитај повеќе

XS
SM
MD
LG