Руска инвазија врз Украина

февруари 24, 2022

Американскиот државен секретар Ентони Блинкен рече дека НАТО не сака конфликти, но дека ќе ја брани секоја педа од својата територија, а шефот на НАТО, Јенс Столтенберг, побара итно повлекување на руските трупи од Украина
ОН отвори истрага за руското кршење на човековите права во Украина, а Кремљ упати повик до Русите за поддршка за претседателот Путин
Украинските власти соопштија дека е изгаснат пожарот во нуклеарката Запорожја по нападот од руските трупи, по што централата била заземена од руските сили
На втората рунда преговори Русија и Украина се договориле само за хуманитарни коридори, а во текот на ноќта руски сили отвориле оган кон нуклеарната централа Запорожја по што избувнал пожар
Во ново видео обраќање, претседателот Володимир Зеленски рече дека украинската одбрана се држи, а шефот на руската дипломатија Сергеј Лавров нагласи дека Русија нема да трпи закани наредени од САД
На осмиот ден од инвазијата, руските сили го освоиле градот Херсон, а Меѓународниот кривичен суд отвори истрага за потенцијални воени злосторства на Русија
Генералното собрание на Обединетите нации со големо мнозинство гласаше за резолуција со која најостро се осудува неиспровоцираната инвазија на Русија врз Украина

11:42 28.2.2022

Дали Путиновиот аларм го менува ризикот од нуклеарна војна?

Архивска фотографија - Владимир Путин и Џо Бајден на самитот во Женева, јуни 2021

Инсинуираната закана на рускиот претседател Владимир Путин дека војната во Украина ќе се претвори во поширок нуклеарен конфликт го става американскиот претседател Џо Бајден пред избори кои ретко се разгледуваат во атомската ера, вклучително и дали да се подигне нивото на подготвеност на американските нуклеарни сили.

11:31 28.2.2022

ОН - Ескалацијата на руската инвазија врз Украина предизвикува зголемување на кршењето на човековите права

Генералниот секретар на ОН Антонио Гутереш

Шефот на Обединетите нации (ОН) вели дека интензивирањето на руската воена инвазија на Украина довело до зголемување на кршењето на човековите права, додека Москва го спроведува својот неиспровоциран напад врз земјата.

11:20 28.2.2022

Зеленски ја повика ЕУ веднаш да ѝ додели на Украина членство во ЕУ

Украинскиот претседател Володимир Зеленски, чија земја се соочува со масовна неиспровоцирана инвазија од соседна Русија, ја повика Европската унија веднаш да ѝ даде членство на Украина по посебна процедура.

„Нашата цел е да бидеме со сите Европејци и што е најважно, да бидеме еднакви. Сигурен сум дека тоа е фер. Сигурен сум дека го заслужуваме тоа“, рече тој во видео говор споделен на социјалните мрежи.