Достапни линкови

Претседателски избори - прв круг

Граѓаните денеска гласаа на шестите претседателски избори од независноста на земјата. Во трката се тројца кандидати за функцијата - Блерим Река, Гордана Сиљановска Давкова и Стево Пендаровски.

  • - Заврши гласањето на претседателските избори.
  • - Одзивот до 18:30 часот е 39,71%, а гласањето се одвива без проблеми.
  • - Сите гласачки места беа отворени во 7 часот, освен едно во Студеничани.
  • - Право на глас имаат 1.808,131 граѓани, а гласањето го спроведуваат 80 општински изборни комисии на 3480 избирачки места.
  • - За победа во првиот круг на еден од кандидатите му е потребно мнозинство гласови од вкупниот број избирачи, односно 904.066 гласови.
  • - Доколку никој не ги освои потребните гласови денеска, вториот круг гласање е закажан на 5 мај.
20:23 21.4.2019

Пендаровски во водство по обработени над 9 отсто од гласовите

Стево Пендаровски
Стево Пендаровски

Кандидатот на СДСМ и владината коалиција, Стево Пендаровски од досега пребројаните 9,21 гласови води на претседателските избори. Тој освоил 24 916 гласови, според податоците на ДИК. По него со освоени 22 626 гласови е кандидатката на ВМРО-ДПМНЕ и коалицијата, Гордана Сиљановска Давковка.

20:21 21.4.2019

Во штабот на Река загрижени поради нискиот одѕив

Блерим Река гласа на Претседателските избори 2019
Блерим Река гласа на Претседателските избори 2019

Од изборниот штаб на претседателскиот кандидат Блерим Река оценија дека денешните избори поминале во фер и демократска атмосфера со многу мал број неправилности.

Портпаролот на изборниот штаб на Река, Рамадан Реџепи рече дека е загрижувачки фактот што е мал процентот на излезност на овие избори и ова, според него, ја потврдува нивната теза дека 1/4 од населението е иселено од Македонија.

19:55 21.4.2019

Спасовски – Мирни избори без посериозни нарушувања

Министерот за внатрешни работи Оливер Спасовски оцени дека гласањето помина мирно и без посериозни нарушувања на јавниот ред и мир.

19:40 21.4.2019

СДСМ очекува победа на Пендаровски

Шефот на изборниот штаб на СДСМ, Александар Кирацовски изјави дека првиот изборен круг од претседателските избори бил кристално чист како што доликува на идна земја членка на НАТО и на ЕУ. Според него, граѓаните своето гласачко право го искористиле на мирен, демократски и достоинствен начин. Според информациите кои ги добил од ДИК, Кирацовски рече дека излезноста е над 42 проценти. Кирацовски рече дека очекува нивниот кандидат Стево Пендаровски да биде победник во првиот круг.

Вчитај повеќе

XS
SM
MD
LG