Достапни линкови

„На вас само тротинет и велосипед...“ - вие коментирате


Macedonia - Assembly of the Republic of Macedonia for constitutional changes.

Многу коментари на нашата ФБ страница предизвикало тврдењето на претседателот на Собранието, Талат Џафери, во неделното интервју за РСЕ дека „нема злоупотреба со патните трошоци на пратениците“.

Читајќи ги коментарите за интервјуто со Претседателот на Собранието Талат Џафери впечатокот е дека граѓаните очигледно слабо веруваат во овие негови зборови и дури даваат свои предлози за превозот на народните избраници. „На вас само тротинет и велосипед... кога може данскиот премиер можете и вие“ – напишал Инвикта Инвикта. „Автобус и воз!“ – е предлогот на Димитар Каев. Исмаил Реџепи ептен револтирано: „Мора да ги брани, јас одам на мој трошок на работа, а ќе дојде време и вие ќе морате, ајдуци ненаситни и растурачи на лаги“.

Видео: Џафери - Нема злоупотреба со патните трошоци на пратениците

Двотретинското мнозинство за Законот за обвинителство останува неизвесно
please wait

No media source currently available

0:00 0:11:22 0:00

Гоце Буџакоски со малку подолг пост: „Како нема злоупотреба? Зошто не ви плаќаат цена на една автобуска карта од Охрид до Скопје и обратно, а да одите со ваш автомобил. Еве, јас патувам Охрид – Дебар со свое возило и добивам 230 ден. во еден правец и уште толку назад, значит 150 км. ги возам за 460 ден. Зошто и Мира Дизел не е платена исто како мене? Нели ’едно општество за сите‘“.

Посетителите на нашата ФБ страница не му веруваат ниту на судството. По информацијата дека Боки 13 ќе оди на распит во Обвинителството овој понеделник, а Јанева во вторник, Благица Ивановска напишала: „И во среда дома“, а Столе Соколовски вели: „Ќе ги ослободат, ќе им дадат 3 години домашен притвор“. Бојан Атанасовски со подбив: „Ако отиде на распит ќе ги рекетира, му се плашат. Боки е невин“. За тоа дека истрагата за „Рекет“ сè повеќе се врти кон Меѓународниот сојуз на Бојан Јовановски, и дека се проширува листата на повикани за исказ за овој случај, Гоце Симовски дециден: „Доста замарате народо со вашите глупости, оправете ја државата, еееј, на што личи?“ Зоран Сотиров со свое објаснување: „И вака ќе викаат за давање исказ и собирање докази едно 3-4 години, и притоа ќе ги пуштат после еден месец во домашен притвор и нема завршница судска. Јака финта за фарбање на јавноста...“

Видео:Туркменистански министер со лисици и во солзи

Туркменистански министер со лисици и во солзи
please wait

No media source currently available

0:00 0:02:39 0:00

Видео сторијата на РСЕ дека претседателот на Туркменистан ги натерал поранешниот министер за трговија и уште неколкумина други пред ТВ камери да признаат дека биле корумпирани, и тоа да го гледа цела нација, очигледно ги одушеви нашите посетители на ФБ страницата. „И нашиве политичари сите признаа дека се корумпирани, затоа кај Орбан избега Грујо, хахааа“. „Кај нас ќе треба да се распише тендер за набавка на лисици“ – коментирал Дејан Ѓорѓиевски. Иле Трипчев прашува и сам одговара: „Има ли некој храброст ова да го спроведе во Македонија? Јас мислам нема таков“.

Нусрет Салиу исто така со пофалби: „Халал ти качамак, барем ти признаваш, нашите гајле си немаат“.

  • 16x9 Image

    Горица Попова

    Родена е во Кочани, дипломирала во 1976 год. на Филозофскиот факултет во Скопје. Како новинар работи над 30 години. Почнала во Македонско радио- Радио Скопје во 1978 год. Од јуни 2009 год. е соработник на Радио Слободна Европа.

XS
SM
MD
LG