Достапни линкови

Економско политичка стабилна нестабилност - вие коментирате


Луѓе со заштитни маски рибарат на брегот на Вардар во Скопје, пензионери

Од случувањата за и околу Украина, па стабилниот македонски рејтинг на „Стандард и Пурс па се до слабата финансиска независност на УКИМ во фокусот на коментарите на посетителите на Фејсбук страницата на РСЕ

Украинскиот претседател Володомир Зеленски бара итни разговори за смирување во Украина, францускиот и рускиот претседател се договориле да работат на прекин на огнот во источна Украина каде што живее руско население и е под контрола на руските сепаратисти. На нашата веб страница има повеќе информации за кризата во врска со Украина што ги крева на нозе и САД и ЕУ. Коментарите на нашата ФБ страница се различни, некои навивачки за Русија, некои даваат совети до украинскиот претседател.

Влатко Петковски напишал: „Па те оставија сам, сега плачи“, а Мартин Спасевски со познатата изрека: „ Доцна е за каење“. Ванчо Коде коментира со следнава објава: „ЕУ и САД за наводните напади на Русија испадна како влезот на Македонија во ЕУ, не сега после, не годинава другата“. Атанас Јованов како да знае: „Не те сакаат, само те користат“, а Јетон Асани советува: „Гасоводот кај тебе е, пушти ги вентилите“. Дејан Димковски со совет: „Оди преговарај со Путин, не ти треба оружје“.


Агенцијата за кредитен рејтинг „Стандард и Пурс“ го потврди кредитниот рејтинг на земјава, ББ-со стабилен изглед. Во извештајот се наведува дека курсот на денарот е стабилен, девизните резерви минатата година се зголемени, додека банкарскиот систем ,исто така, е стабилен и дека економијата во Македонија го достигнала своето предпандемиско ниво. „Ахам, и највисоко ниво на задолженост, ајтт“, објавил Вангел Бојаџиески. Александар Стефаноски пресметува во евра: „Како се стабилни, до вчера лебот беше 20 ден. А сега 30 ден. Со 100 евра купував 305 леба, а сега 203. Ни ги крадете парите“, очигледно не познавајќи ја функцијата на „Стандард и Пурс“. И Драги Арабаџиев со свое мислење: „Стабилно и континуирано задолжување“. Горан Атанасовски прашува: „Како може да е стабилен кога сè поскапува, кого веќе лажете?“

Неделното интервју на РСЕ е со ректорот на Универзитетот Кирил и Методиј, Никола Јанкуловски, кој ,покрај другото, вели дека „пандемијата ги уназади образованието и науката“.

Јанкуловски - Пандемијата ги уназади образованието и науката
please wait

No media source currently available

0:00 0:13:31 0:00

Коментарот на Вера Србиноска со нишка на иронија: „А пред тоа беше многу напреднато, во секое село факултет и сите ’интелектуалци‘“. Ректорот Јанкуловски ,исто така, вели дека Универзитетот самостојно и автономно одлучува за многу прашања и проблеми, без мешање на политиката, но дека финансиската автономија не е на задоволувачко ниво. Анна Јакимова реагира: „Нема слобода без финансиска автономија!“

  • 16x9 Image

    Горица Попова

    Родена е во Кочани, дипломирала во 1976 год. на Филозофскиот факултет во Скопје. Како новинар работи над 30 години. Почнала во Македонско радио- Радио Скопје во 1978 год. Од јуни 2009 год. е соработник на Радио Слободна Европа.

XS
SM
MD
LG