Достапни линкови

Ваши коментари – попис и ѓубре насекаде


Илустрација: Расфрлано ѓубре околу Дебарското Езеро

Најавениот попис, меѓупартиските препукувања и негрижата за животната средина се теми кои предизвикале најголем интерес кај нашите читатели на социјалните мрежи.

„Власта најавува европски попис, ВМРО-ДПМНЕ најавува бојкот ако власта не се консултира со нив“, гласи насловот на информацијата на РСЕ за изјавата на опозициската партија, а Адриан Ани Оки прашува: „Вие од ДПМНЕ знаете ли нешто друго освен бојкот?“ Живко Стефановски полемизира со Адриан Ани Оки: „Што правевте вие предавници во 2004-та за референдумот за територијална поделба и уништување на Македонија, зарем вие не бојкотиравте?“ – па продолжува со непримерен речник за да заврши: „Немате ништо човечко во вас“. Халил Билали му реплицира на Живко Стефановски со иронија: „Сè човечко кај тебе останало“. Вахудин Ваце Мекиќ забележува: „Зарем на ДПМНЕ им текна за попис, ама не може ништо да лапне, баш жално“.

Изјавата на првиот човек на опозициската партија, Христијан Мицкоски дека „би ги одбил сите награди на светот само Заев да не е веќе премиер“ предизвикала бурни реакции на нашата ФБ страница. Една од нив е на потпишан со Вид Инг: „Насловов е како ’Фчерашни новости‘ да го пишувале, а богами и изјавата“. Рази Шаловски потсетува: „И тоа нема да ти помогне, бремето што го носиш од к...о е многу тешко, врежано е во колективната меморија на македонскиот народ, знае какви криминалци сте. Завршена приказна сте, прочитана книга.“ Дејан Божиновски му препорачува на Мицкоски: „Ај, бе, Мице, се виде твоето. Ајмо, разлаз“. Славчо Гошевски со забелешка: „Тоа е веќе лична омраза, не му личи на еден граѓанин кој во иднина сака да биде водач на партија!“, а Дарко Атанасоски постирал: „Фала богу, никој не ти дава награда! Па не можеш ни да добиеш“, а Димитар Мариновски, со Смешко што плаче од смеење го коментира претходниот пост: „Дарко Атанасовски, затоа му е полесно да се откаже“. Ангел Јовчевски, пак, прашува: „А да се откажеш од хидроцентралите ќе можеш ли?“

По информацијата за една од забелешките во Извештајот на ЕК дека не се грижиме доволно за животната средина, Дејан Кукески кратко и јасно: „Битно ја сакаме Македонија и сме патриоти, а тоа што фрламе ѓубре на сите страни не е важно“. Радмила Софревска е уште поостра: „Нè искара? Треба да нè соберат на купче и да нè запалат. Ако некому кажеш да не фрла на улица, може и ќотек да изедеш.“

Како за крај, еден коментар кој може и да ве насмее: Во Норвешка е отворен ресторан пет метри под вода, а постот на Миле Спасов и смешен и тажен, колку нашиот народ изгубил верба во сè: „Абре, ај там, не лажејте, ееееее, под вода ресторан, глупости, а како ќе одат луѓето?“

  • 16x9 Image

    Горица Попова

    Родена е во Кочани, дипломирала во 1976 год. на Филозофскиот факултет во Скопје. Како новинар работи над 30 години. Почнала во Македонско радио- Радио Скопје во 1978 год. Од јуни 2009 год. е соработник на Радио Слободна Европа.

XS
SM
MD
LG