Достапни линкови

Ромпеј за Европски Балкан


Претседателот Херман ван Ромпеј на една од средбите во Брисел

Претседателот Херман ван Ромпеј на една од средбите во Брисел

Претседателот на Европскиот Совет Херман ван Ромпеј е на Западен Балкан за да ја потврди европската посветеност кон регионот. Притоа тој ги посетува Загреб, Белград и Приштина. Сепак, дали дали декларативните изјави содејствуваат со реалноста во ЕУ. па и во самиот регион на Балканот?

Самиот претседателот на Европскиот совет, Херман ван Ромпеј изјави дека европската интеграција на Западен Балкан останува клучна задача за ЕУ и дека тоа е целта на неговата посета. Еве како на посетата на Ромпеј гледа Иван Вејвода, директор на Балканскиот фонд за демократија во Белград.

„Ова е важна посета. Ван Ромпеј доаѓа во регионот за да го повтори и потврди она што е став на ЕУ уште од Солунскиот самит во јуни 2003 кога јасно беше речено дека Западен Балкан еден ден ќе влезе во Унијата.“

Тоа го рекоа и еврокомесарот за проширување Штефан Филе, високиот преставник за надворешна политика на ЕУ Кетрин Ештон, како и американскиот потпретседател Џо Бајден, но сепак во јавноста има недоумици околу вистинската готовност на Брисел да продолжи со проширувањето поради економската криза, кризата во Белгија како земја преседавач, како и неподготвеноста и внатрешните спорови на Балканот.

Дали тогаш ова се нереално поставени изјави?

Иван Вејвода вели:
Белгија - мини европски парк во Брисел на 1 Јули, 2010


„Сметам дека, како и за се во живот, па така и во ЕУ има плима и осека. Ова е можеби еден момент на осека, но тоа не ја менува суштината на зацртаните планови за интеграција на Западен Балкан. Затоа мислам дека посетата на Ромпеј е важна.“

Според аналитичарите во регионот, во суштина не треба да се потценуваат изјавите на политичарите, но главно е ,велат тие, да се слуша што се зборува на клучните места каде што се решава.
  • 16x9 Image

    Зоран Ќука

    Во Слободна Европа во Прага е од нејзиното формирање на 1 Септември 2001 година. Кариерата ја започна во Македонското радио, па следат ТВ - А1 и ТВ Телма, со истовремена дописничка работа за Радио и ТВ Босна и Херцеговина, Загребското Независно 101 Радио, и Љубљанското Студент Радио.

XS
SM
MD
LG