Достапни линкови

Има потреба од нови антикризни мерки


Нови антикризни мерки?

Нови антикризни мерки?

Има уште предизвици, искушенија и потреба од антикризни мерки, смета министерот за финансии Зоран Ставрески, кој деновиве најави дека надлежните се консултираат со стопанствениците околу четвртиот пакет.

И додека стопанствениците ги подготвуваат предлозите и очекуваат директно убризгување на свеж капитал , од опозицијата забележуваат дека антикризните мерки треба да се конкретизираат.
Тие дадоа ефекти во одреден определен период, но не дадоа развојна компонента, она што го предвидуваше владата дека ќе постигне развој и зголемување на физичкиот обем


Минатогодишните антикризни мерки постигнаа одредени ефекти и единственото нешто што недостасуваше беше развојната компонента, вели бизнисменот Зоре Темелковски, кој годинава учествува во изработката на предлозите за четвртиот пакет мерки

„Тие дадоа ефекти во одреден определен период, но не дадоа развојна компонента, она што го предвидуваше владата дека ќе постигне развој и зголемување на физичкиот обем.“

За идната година би било добро доколку се вбризгува свеж капитал во стопанството, додава Темелковски

„Значи, треба да се фокусираме на либерализација, намалување на каматите и либерализација во делот на престегнатата монетарна политика, што веќе владата и гувернерот почнуваат да олабавуваат и записите да немаат високи камати, туку и во 2010 да се користи светскиот пазар на капитал.“
Значи, треба да се фокусираме на либерализација, намалување на каматите и либерализација во делот на престегнатата монетарна политика

Мерките треба да се конкретизираат бидејки состојбата во економијата секој ден е се потешка, смета пратеникот на опозициската СДСМ Марјанчо Николов

„И мислам дека владата треба посериозно да размисли за мерките, да најде мерки кои ќе бидат директна помош за стопанството.“

Според Николов, вбризгување на буџетски пари во стопанството или намалување на одредени даноци и давачки кон државата се само дел од опциите кои ги има власта

„А, од друга страна да престане со казни, блокирање на сметки, забрана за вршење дејности и постојан притисок врз економијата.“
XS
SM
MD
LG