Нема биткоини без мотика. Треба да се седне и да се копа. Добро, не е баш мотика, туку моќен компјутер, но тоа не ја менува поентата. Бизнисот станува навистина исплатлив ако некој друг ја плаќа струјата, коментираат граѓаните на социјалните мрежи.
По пријава на граѓанин, полицијата изврши претрес во магацини во ГТЦ во Скопје кои под наем ги држеле синовите на поранешниот пратеник Амди Бајрам, Габриел и Елвис Бајрам. Во магацините можеше да се види компјутерска опрема која се користи за „копање“ криптовалути. Полицијата брзо заклучи дека немало кражба на струја и си замина.
Според коментарите на социјалните мрежи, граѓаните не веруваат многу во официјалната верзија на полицијата.
Ако добро го разбирам ова со ГТЦ, кражба на струја постои само ако крадеш од ЕВН а ако ги крадеш другите сопственици, тогаш тоа е дозволено и не е кражба? Така МВР?
— Aleksandar Tortevski (@atortevski) November 17, 2021
Вест од 2 Ноември која поминала незабележано но на крај излезе на површинаИзгледа Елвис ептем јако се запнал со крипто копање се разбира копал со струја платена од наш џеб pic.twitter.com/4Yo6tJ7K3p
— %27903 (@NebesenMir) November 17, 2021
Ако немамо кражба на струја значи дека струјата ја плаќало ГТЦ. Не е тоа злоупотреба на службена положба? У ствари од што прашувам и јас. Од кај па Оливер знае што е што….
— Др Арсланагић (@ArslaJeMeniBog) November 18, 2021
"ПОЛИЦИСКА АКЦИЈА ВО ГТЦ, СЕ КОПАЛЕ КРИПТОВАЛУТИ НА ДИВ ПРИКЛУЧОК ЗА СТРУЈА"Полициската акција: pic.twitter.com/M4IqRVvd7f
— КЕВИН (@CheGuev21277156) November 16, 2021
Габриел Бајрам беше избран за советник во Град Скопје од листата на коалицијата на СДСМ, а Елвис Бајрам стана советник во Општина Шуто Оризари како носител на листата на Сојузот на Ромите на локалните избори што се одржаа минатиот месец.
Опозициската ВМРО-ДПМНЕ обвини дека СДСМ и министерот за внатрешни работи Оливер Спасовски го штитат коалициониот партнер и оти е „јавна тајна“ дека во ГТЦ се краде струја.
Мизеријата на Заевистан во 1 слика:За МВР нема кражба на струја во ГТЦ, ама затоа 7 (седум) полицајци (униформа и цивилка) ги бркаат бабите со цвеќињата и со две китки магдонос на пазарчето во Аеродром.Кражбата е 1 милион евра месечен профит, 33.000 евра ДНЕВНО.Срамота. pic.twitter.com/IMluYo0xq9
— Vladimir Gjorcev (@VladimirGjorcev) November 18, 2021
МВР не реагирале вчера у ГТЦ за крадењето на струја од машините на Елвис и Габриел Бајрам.МВР реагираат на пазар у Буњаковец и Зелен пазар кога бабичките ги бркаат и шутираат што продаваат чај, зеленчук и овошје. Е таму се јаки МВР
— SkopjanecoT (@skopjaneco_t) November 17, 2021
Копањето криптовалути не е забрането, но веднаш по полициската акција, компјутерската опрема беше изнесена од магацинот.
Габриел Бајрам најави дека ќе одржи прес-конференција да ја објасни целата работа, но наместо него дојде човек кој се претстави како професионален модератор и рече дека во магацините имало компјутерска опрема за која уредно е платена царина за увоз и оти магацините служат за сервисирање на опремата, која потоа се извезувала. Модераторот ,сепак, не откри дали со таа опрема се „рудареле“ криптовалути.
Прашајте ги сопствениците на дуќаните во ГТЦ колку пати им е покачена струјата и ќе ви стане јасно....
— Laste Choperot (@SandeBulevarski) November 17, 2021
AaaaahhahhahahahaaahhahahhhahahahhhahhhhahhahahahahahahahahahahahahahahahahahahahhahhhhahahahhhahhahahahahahaСЕРВИСИРАМЕ КОМПЈУТЕРСКА ОПРЕМА, ПА ЈА ИЗВЕЗУВАМЕ Семејството Бајрам уверува дека во ГТЦ не се крадело струја @PlusInfomk https://t.co/AdV36JDJGT
— k l i n c h (@legalXperiment) November 17, 2021
Па они не биле крадци, они биле Робин Худ!Значи овој @shlapatalo ги инспирираше дури и нив. Семејството Бајрам: Во подрумските простории на ГТЦ се сервисирала компјутерска опрема, па ја извезувале – не краделе струја! https://t.co/StqU5XwlDG
— Darko Arsovski (@dArsovec) November 17, 2021
Македонскиот народ е научен да копа, ама кога тоа се прави на нива ги боли грбот. Да живееше Кочо Рацин во денешно време, ќе напишеше песна „Копачите на биткоини“.
Се к'ти ноќта црна!
Се рути карпа - мрак!
И петли в ГТЦ пеат
и зората се зори –
над карпа в крв се мие
и темнината пие
силно
светнал
ден!
Копање биткоини не остава црно под ноктите …
— i999y (@i999y) November 17, 2021
Сега ми е јасно зошто не се наоѓа физички работник за никаква цена, тој наместо да копа на нива си копкал во подрум во ГТЦ.
— Торко (@Torko_Mk) November 16, 2021
копаме бунари со тетин ми changed it%27s name to копаме биткоини со тетин ми
— Ѓорги Спасов (@gjorgispasov) November 18, 2021
Градскиот трговски центар ја купува струјата на слободниот пазар по 3,7 денари за мегаватчас, а потоа им ја распределува на дуќаните на кои им ја фактурира по 15,9 денари за мегаватчас. Директорот на ГТЦ не даде одговори за јавноста.
Сопственици на дуќани во ГТЦ се жалат дека немаат увид во броилата и дека сметките за струја им се повисоки од претходно.
Затоа дуќаните во ГТЦ и на поклон не се зимаат.
— Mister No (@Mister__No) November 18, 2021
Гледаш све живо како заработува од криминал и не сноси никаква одговорност, ликови без два реда школо прават милиони и си викаш - изгледа јас сум глупиот во прикзната.
— SantaClause (@14times3) November 17, 2021
Дел од граѓаните иронично забележуваат дека ГТЦ е првиот трговски центар во светот кој работи со криптовалути.
— Mentalist (@Uber_Macedonian) November 16, 2021
Македонскиот Елон Маск и серверите во ГТЦ.
— Кашлицааааааа 😷 (@kashlicaa) November 16, 2021
Инаку, ова е втора акција на полицијата по крадци на струја во ГТЦ со копање криптовалути. И при првата МВР не утврдила кривично дело. За кражба на струја предвидена е казна затвор до три години.
„Копањето“ криптовалути се врши преку компјутерски уреди. За целиот процес е потребна соодветна опрема, моќни процесори, како и напредни графички карти наменети за компјутерски гејминг, со што се троши многу струја.
Во првата половина од годинава биле поднесени 120 пријави за кражба на струја, а лани имало 250 пријави. Струја се крадела насекаде, а најмногу од трагачи по биткоини.