Сиријската државна телевизија јави дека претседателот Башар Ал Асад го потпишал указот за укинување на спорниот закон за вонредни состојби. Со одлуката се укинуваат државните безбедносни судови, со што им се дозволува на жителите на Сирија мирно да протестираат. Укинувањето на легислативата, која беше на сила 48 години, беше едно од клучните барања на анти-владините демонстранти кои протестираа месец дена. Активисти за човекови права тврдат дека 200 лица загинале во немирите во Сирија.
