Министрите за надворешни работи на арапските земји денеска во Дубаи разговараа со јеменска делегација за иницијативата за надминување на кризата меѓу демонстрантите и властите во Јемен. Во заедничката изјава по состанокот, министрите не соопштија детали од разговорите. Синоќа и Советот за безбедност на Обединетите Нации, зад затворена врата, расправаше за ситуацијата во Јемен, но немаше заедничка изјава. Во меѓувреме, агенциите денеска јавуваат дека 5-мина демонстранти биле убиени во акцијата на полицијата за растерување на демонстрантите во Сана, кои бараат оставка од претседателот Али Абдула Салех.
