Советот за безбедност на ОН не успеа да постигне согласност за заедничка изјава во врска со ситуацијата во Јемен. Според агенциските извештаи, Германија и Либан ги предводеле напорите за постигнување договор, меѓутоа иницијативите биле блокирани од Русија и Кина. Состанокот беше одржан по информациите дека јеменските сили повторно отвориле оган врз антивладините демонстранти, при што загинале три лица. Повеќе од 120 луѓе загинале во неколку месечните протести против 30-годишното владеење на претседателот Али Абдулах Салех.
