Хрватскиот премиер Јадранка Косор денеска изјави дека владата уште оваа недела ќе преземе нови чекори во врска со пресудите против хрватските генерали Анте Готовина и Младен Маркач, што ги изрече Меѓународниот трибунал за воени злосторства во поранешна Југославија, пренесе Танјуг. Косор изјави дека оценката на судот за „колективното криминално однесување“ е целосно неприфатлива и треба да се направи се што е можно при обжалувањето на пресудата тоа да се укине. Таа рече дека веќе е почната акција на дипломатско ниво и многу дипломатски претставници и амбасади во Хрватска веќе добиле детална научна студија на оваа тема, подготвена од Академијата за правни науки.
