Иранскиот министер за разузнавање си поднесе оставка, објави иранската државна новинска агенција ИРНА, без да наведе детали. Агенцијата објави дека претседателот Махмуд Ахмадинеџад ја прифатил оставката на министерот Хејдер Мослехи и го назначил за негов советник за безбедносни прашања. Агенцијата ФАРС, пак, повикувајќи се на неименувани извори објави дека Мослехи бил разрешен. Малку подоцна, новинските агенции ИСНА, ФАРС и Мехр објавија дека Мослехи е вратен на функцијата министер за разузнавање, по одлука на врховниот верски лидер, ајатолахот Али Хамнеи.