Во повеќе градови во Хрватска денеска се одржуваат протести како реакција на вчерашната пресуда на Хашкиот трибунал со која Анте Готовина е осуден на 24, а Младен Маркач на 18 години затвор, додека Иван Чермак е ослободен. Протестите во организација на повеќе ветерански и други здруженија се одржуваат во Загреб, Сплит, Риека и Осиек. Повеќе ветерански здруженија одлучија да не протестираат, а на откажување од демонстрации пред пресудата повикаа и Готовина и Маркач. Аналитичарите проценуваат дека организацијата на протестите е обид за промоција на новоформираните десничарски партии и собирање политички поени од страна на нивните лидери.