Шефот на руската дипломатија Сергеј Лавров денеска изјави дека НАТО го пречекорил мандатот на Обединетите нации во Либија и повика на итни потези за политичко решение на конфликтот. Лавров по состанокот ,,НАТО, Русија,, во Берлин изјави дека треба да се биде претпазлив во врска со употребата на воена сила во Либија, бидејќи со тоа може да се зголеми бројот на цивилните жртви. Претходно генералниот секретар на НАТО Андерс Фог Расмусен ги отфрли тврдењата дека Алијансата го пречекорила мандатот. Тој додаде дека се уште не добил конкретни понуди за дополнителен број авиони за мисијата во Либија, но оти е убеден дека тоа наскоро и ќе се случи.
