Во главниот град на Катар, Доха, денеска ќе биде одржан состанок на Контакт групата за Либија, на кој ќе учествуваат претставници на САД, Велика Британија, Франција, арапските земји, како и од меѓународните оргамизации, меѓу кои и ОН, Арапската лига и од НАТО. Контакт групата ќе се обиде да најде пат за решавање на кризата во Либија. Предвидено е на собирот да се обратат и претставници на Националниот преоден совет на либиските бунтовници.