Во Киргистан денеска се одбележува првата годишница од отстранувањето на поранешниот претседател Курманбек Бакиев. На седмми април скоро 90 луѓе загинаа, а стотици други беа ранети кога безбедносните сили отворија оган врз демонстрантите кои протестираа против корупцијата и авторитарното владеење на претседателот Бакиев. Овие немири го принудија Бакиев да ја напушти функцијата и да замине од земјата.
