Почнува аплицирањето за директни плаќања за мерките од растително производство по Програмата за финансиска поддршка во земјоделството за 2011 година, соопшти Агенцијата за финансиска поддршка во земјоделството и руралниот развој. Од денеска заклучно со 31 мај земјоделците ќе можат да поднесат барања за финансиска поддршка за обработливи земјоделски површини со поледелски култури, градинарско производство, одржување постоечки лозови и овошни насади, како и подигнување нови лозови и овошни насади. Како што информира Агенцијата, почнува и поднесувањето барања за новововедената финансиска поддршка за одгледување ориз и сончоглед, како и за користење сертифициран семенски материјал, за производство на градинарски култури под контролирани услови.
