Потребна е опозиција во еднопартискиот парламент, изјави денеска премиерот на Казакстан Карим Маимов. Опозицијата би помогнала во обезбедувањето на демократска реформа и економски раст во земјата, додаде лидерот во интервју за новинската агенција „Ројтерс“. Владата „внимателно ги следи случувањата во Северна Африка и на блискиот исток, но за разлика од тие места, луѓето од помладите генерации во Казакстан имаат надеж и можност да напредуваат“ рече премиерот. Во недела во земјата се одржуваат претседателски избори на кои речиси е сигурно дека ќе победи 70 годишниот актуелен вршител на функцијата Нурсултан Назарбајев.
