Ирска, членка на еврозоната, побара нов пакет помош тежок 24 милијарди евра за помош на четири банки, како додаток на веќе одобрениот пакет за спас на економијата кој Меѓународниот монетарен фонд и го додели на земјата кон крајот на 2010 година. Како што соопшти ирската национална банка, четирите банки на кои им е потребна помош неодамна биле субјект во стрес тест на монетарната власт. Вакви тестови се спроведуваат за банките низ цела Европа а резултатите од тестирањата би требало да се објават во Јуни годинава.
